قصة مثل جمل عبود الاجرب

قصص وامثال
قصة قبل النوم
قصة مثل
"جمل عبود الاجرب"
في عرب كانوا ساكنين في قرية والمختار تبعهم اسمه عبود وعنده جمل اجرب تاركه بدون رباط ، والجمل اكل زرعهم وما خلا اشي،، وفي يوم قام واحد من زلم هالعرب وجمعهم وقال الهم لازم نروح للمختار ونطلب منه يربط جمله. الجماعة قالوا اله بس المختار ظالم وبنخاف منه ، ومين الي بده يحكي للمختار . فقال لهم : لما نقوم كلنا ونروح مع بعض أنا بحكي بس بدّي منكم لما احكي كلكوا توقفوا معي وتدعموني بالحكي ، فوافقوا. وثاني يوم الجماعة جهزوا حالهم وتقدمهم هذا الرجل وراحوا للمختار عبود . ولما وصلوه طلع الهم المختار وقال : خير شو فيه .
فقال كبيرهم : جملك يا عبود ،،، وقبل ان يكمل قال المختار : ماله جملي ،،
هنا نظر كبيرهم اليهم حتى يحكوا ولكنهم صمتوا ، فقال كبيرهم : جملك يا عبود وحيد ولازم تجيب اله جمل ثاني يونسه.

انتهت الحكاية ،،،
العبره:
وسيبقى جمل عبود الأجرب يعيث فساداً طالما استمر صمت الرجال ،،،.